Azərbaycan Respublikası  Prezidentinin  müvafiq  sərəncamı ilə 2019- cu  ilin “Nəsimi ili“ elan olunması  ilə əlaqədar Şirvan şəhər Tarix-diyarşünaslıq  muzeyi tədbirlər planı tərtib  etmişdir.Plana  uyğun  olaraq  09 oktyabr  2019-cu il tarixdə şəhər  M.İsrailov adına 18 nömrəli  məktəb-liseydə şəhər Gənclər və İdman İdarəsi vəTarix-diyarşünaslıq  muzeyinin  birgə  təşkilatçılığı ilə “Məndə sığar iki  cahan...”adlı  ədəbi-bədii  gecə  keçirilmişdir.Tədbir Azərbaycan əsilli,dünyaca məşhur müğənni və bəstəkar  Sami Yusufun “Sığmazam” qəzəlinə  yazılmış musiqili  kompozisiya ilə  başladı. Gecənin  aparıcısı,  Tarix-diyarşünaslıq muzeyinin  baş elmi  işçisi  Ləman  Mikayılova  böyük  Azərbaycan  şairi  İmadəddin  Nəsiminin  həyat və  yaradıcılığı  haqqında  danışdı. Qeyd  etdi ki, İ.Nəsimi orta  əsr  şərq  poeziyasının  parlaq  nümayəndələrindən   biridir.Onun  poeziyasında  qaldırılan  humanizm, mübarizlik,vətənpərvərlik,müstəqillik və azadlıq  ideyaları  bu gün də aktualdır. İ.Nəsimi  Azərbaycan  xalqının, həmçinin bütün dünyanın mənəvi sərvətidir. Çünki,humanist, ümumbəşəri fikirlərini xalqa çadırmaq üçün Nəsimi onların forma və gözəlliyinə xüsusi fikir vermiş,bədii təsir gücünün bu yolla artırılmasını nəzərdən qaçırmamışdır.Ədəbi-bədii gecədə İ.Nəsiminin qəzəlləri,onun həyatından bəhs edən səhnəciklər,uşaq musiqi məktəbinin”Muğam”sinfinin müəllim və şagirdlərinin çıxışları tədbiri olduqca maraqlı etmişdir.Bu mənada şəhər Gənclər Evinin Ədəbiyyat dərnəyinin rəhbəri Nurlan Qədimovun,şəhər 2 nömrəli tam orta məktəbin şagirdlərinin və L.Mikayılovanın çıxışlarını xüsusilə qeyd etmək lazımdır.Sonda şəhər Gənclər və İdman İdarəsinin rəisi Azər Quliyev çıxış etmişdir.Tədbir gənc müğənni və bəstəkar Ramal İsrafilovun  İ.Nəsiminin  “Sığmazam” qəzəlinə yeni bəstələmiş mahnısının ifası ilə  başa çatmışdır.