7 mart 2019  cu  il  tarixində  Saatlı  rayon  Mərkəzi  kitabxanasında “8 mart  beynəlxalq  qadınlar  bayramı” münasibəti  ilə  tədbir  keçirilmişdir.  Tədbiri  giriş  sözü  ilə  MKS-nin  direktoru Sakit  Bağırov açmışdır. O,  çıxışında  qeyd etdi ki, Azərbaycanda qadının statusu son bir neçə min illik ərzində çox böyük dəyişikliklərə məruz olmuşdur. Buna baxmayaraq, Azərbaycanda qadınlar ölkə tarixinin bütün dövrlərində xalqın taleyüklü məsələlərinin həll edilməsinə öz töhfələrini veriblər. 1918-ci ildə yaradılmış Azərbaycan Xalq Cümhuriyyəti dövründə ölkə ərazisində yaşayan bütün xalqların və hər iki cinsin bərabər seçki hüququ qanunla təsbit edilirdi. Bununla da, Azərbaycan Şərqdə qadınlara seçki hüququ verən ilk ölkə oldu. Sonra  sözü  Sabirabad  rayon  RMİ-nin  Saatlı  rayon  üzrə  nümayəndəsi  Şərqiyyə  xanım  Şahpələngovaya  verdi. Tədbirdə  Azərbaycan  Respublikasının  Əməkdar  Mədəniyyət  İşçisi  Mehdizadə Mehdi, MKS-nin  director  müavini  Həqiqət  xanım  Həziyeva çıxış  etdilər.  Sonda  qadın  əməkdaşlarımıza  bayram  münasibətilə  hədiyyələr  təqdim  edildi.