21 fevral 2019-cu il tarixində Saatlı rayon Qırağlı kənd ümumi orta məktəbində dil və ədəbiyyat müəllimi Bikə Allahverdiyevanın təşkilatçılığı və rayon Mədəniyyət Mərkəzinin mədəni hamiliyi ilə Beynəlxalq Ana Dili Günü ilə əlaqədar "Mənim Ana Dilim Mənim Varlığımdır" adlı tədbir keçirilmişdir. Tədbirdə çıxış edənlər ana dilimizin zənginliyindən, ana dilimizin inkişafına göstərilən dövlət qayğısından ətraflı danışmışlar. Məktəb şagirdlərinin ifasında səslənən şeirlər, kiçik səhnəciklər, rəqslər tamaşaçılar tərəfindən alqışlarla qarşılanmışdır.