Azərbaycanın Silahlı Qüvvələrinin yaranmasının 100 illiyi münasibətilə Şirvan şəhər Tarix-Diyarşünaslıq Muzeyində “Şərəf və qürur tariximiz” adlı tədbir keçirilmişdir. Tədbir Azərbaycan Respublikasının dövlət himninin səslənməsi ilə başlanmışdır. Muzeyin direktoru Gülşən Vəliyeva Azərbaycanın Silahlı Qüvvələrinin yaradılması, keçdiyi inkişaf yolu, ümummilli lider Heydər Əliyevin ordu quruculuğu sahəsində misilsiz xidmətləri, Prezident İlham Əliyev tərəfindən ordumuzun daha da təkmilləşdirilməsi, inkişaf etdirilməsi, modernləşdirilməsi və s. haqqında məruzə ilə çıxış etmişdir. Şirvan şəhər 1 nömrəli tam orta məktəb-liseyin şagirdləri Azərbaycan silahlı qüvvələrinə həsr olunmuş ədəbi-bədii kompozisiya təqdim etmişlər. Tədbir iştirakçıları silahlı qüvvələrimiz barədə videofilmə baxmışlar. Şirvan şəhər Uşaq Musiqi Məktəbinin müəllim və şagirdləri konsert proqramı ilə çıxış etmişlər.