1993-cü ildə yenicə müstəqilliyini qazanmış respublikamız dağılmaq,parçalanmaq təhlükəsi ilə üz-üzə durduğu bir vaxtda Ulu öndər Heydər Əliyevin səyləri,bacarığı,təcrübəsi sayəsində Azərbaycan dövlətçiliyi ona qarşı yönəlmiş qəsdlərdən uğurla çıxıb.Ümummilli Liderin qətiyyəti xalqa ruh yüksəkliyi gətirib,inamımızı özümüzə qaytarıb,sabitlik və əmin-amanlıq yaradıb və bununla da 15 İyun tariximizə Milli Qurtuluş günü kimi daxil olub.                                                  Milli Qurtuluş günü ilə əlaqədar rayonumuzda keçirilən silsilə tədbirlərin yekunu olaraq 12 iyun 2018-ci il tarixində möhtəşəm bayram tədbiri keçirilmişdir.Rayon rəhbərliyi,idarə,müəssisə və təşkilat nümayəndəri,ziyalılar əvvəlcə Heydər Əliyev adına Mədəniyyət və İstirahət Parkında təşkil edilmiş Mədəniyyət Mərkəzinin və rayon ümumtəhsil məktəblərinin şagird və dərnək üzvlərinin Milli Qurtuluş günü ilə əlaqədar hazırladıqları əl işlərindən ibarət rəsm sərgisi ilə tanış olublar.Sərgiyə baxışdan sonra Sabirabad rayon Mədəniyyət Mərkəzində bayram konserti təşkil edilib. Bayram tədbirində şəhər sakinlərinin və qonaqların coşqu ilə izlədiyi konsert proqramında xalq artisti Bilal Əliyev,əməkdar artist Səlim,əməkdar artist Nigar Şabanova,Namiq Məna,Məna Əliyev,Fərid Qaragöz,Nadir Qafarzadə,Pərviz Abdullayev,Ramil Nabran,Ayaz Babayev,Nuray Məhərov,Şəbnəm Qəhrəmanova,Aynur Dadaşova və başqaları bir-birindən maraqlı ifaları ilə çıxış ediblər. Konsert proqramından sonra bayram tədbiri möhtəşəm atəşfəşanlıqla sona çatıb.