23 may 2018-ci il tarixində Quba Olimpiya İdman Kompleksində Beynəlxalq Ailə Günü münasibətilə “Ailə günü” bayramı keçirilib.
Ailə, Qadın və Uşaq Problemləri üzrə Dövlət Komitəsinin sədri Hicran Hüseynova, Quba Rayon İcra Hakimiyyətinin başçısı Ziyəddin Əliyev, UNİCEF və BMT nümayəndələri və Respublikanın müxtəlif rayonlarından dəvət olunmuş nümunəvi   ailələr                   qatılıblar.
         Tədbirin əvvəlində qonaqlar əl işlərindən ibarət sərgi ilə tanış olublar. Sərgidə müxtəlif bölgələrdən olan ailələrin əl işləri, adət-ənənələri, yeməkləri, eləcə də Qubada yaşayan çoxsaylı xalqların mədəniyyət inciləri nümayiş etdirilib. 
Ənənə şəklini almış bu bayram şənliklərində 4 nominasiya üzrə - bacarıqlı əllər, milli mətbəx, yaradıcı əllər və nümunəvi ailə yarışları keçirilir. Bu tədbirdə Hacıqabul rayonunu təmsil edən Əmiraslanovlar ailəsi də iştirak edirdi.
Tədbirin sonunda ən fəal ailələrə Ailə, Qadın və Uşaq Problemləri üzrə Dövlət Komitəsinin diplomları və qiymətli hədiyyələri təqdim olunmuşdur. Çox sevindirici haldır ki, rayonumuzu təmsil edən Əmiraslanovlar ailəsi də “Bacarıqlı əllər” nominasiyası üzrə qalib gəlmişdilər.