Şirvan və Hacıqabul şəhər uşaq musiqi məktəblərində təhsil alan və 2018-ci ildə keçirilmiş respublika müsabiqələrində iştirak etmiş şagirdlərin Şirvan şəhər Heydər Əliyev Mərkəzində konserti təşkil olunmuşdur. Konsert ümummilli lider Heydər Əliyevin anadan olmasının 95 illiyinə həsr edilmişdir. Heydər Əliyev Mərkəzinin elmi işçisi Bibixanım Şükürlünün giriş sözündən sonra Heydər Əliyevin həyat və fəaliyyəti haqqında  mərkəzin direktoru Aynur Fərzəliyevanın məruzəsi dinlənilmişdir. Sabirabad Regional Mədəniyyət İdarəsinin rəisi Əhməd Ramazanov respublika müsabiqələrində iştirak etmiş şagirdləri azərbaycan xalqının həyatında əlamətdar bir gün – ümummilli liderin doğum günü münasibətilə, eləcə də musiqi təhsilində qazandıqları uğurlar münasibətilə təbrik etmiş, onlara daha böyük nailiyyətlər arzulamışdır. Ə.Ramazanov respublika müsabiqələrinin iştirakçılarına – Şirvan şəhər Uşaq Musiqi Məktəbinin şagirdləri Nərmin Ələkbərova, Fəqan Cəfərli, Nəzrin İsmayılzadə, Fidan Əkbərli, Teymur Süleymanov, Türkan Əliyeva, Hüseyn Fərəcli və Günel Məmmədovaya, Hacıqabul şəhər Uşaq Musiqi Məktəbinin şagirdləri Nəriman Kərimli, Rəşid Rəhimov, Elmir Ağayev və Əlişah Nurəliyevə Sabirabad Regional Mədəniyyət İdarəsinin fəxri fərmanlarını təqdim etmişdir. Adları çəkilən şagirdlər Azərbaycanın görkəmli bəstəkarı Qara Qarayevin anadan olmasının 100 illiyinə həsr olunmuş “Təhlil edir və ifa edir gənc musiqiçilər” adlı Bakı Musiqi Akademiyası tərəfindən təşkil edilmiş pianoçuların respublika elmi –ifaçılıq müsabiqəsində, Mədəniyyət Nazirliyi tərəfindən təşkil edilmiş kamança hazırlanması və ifaçılıq sənətinin UNESCO-nun qeyri-maddi irs üzrə reprezentativ siyahısına daxil edilməsinə həsr olunmuş Habil Əliyev adına gənc kamança ifaçılarının II respublika müsabiqəsində, Qara Qarayevin anadan olmasının 100 illiyinə həsr olunmuş simli, nəfəsli və zərb alətləri üzrə gənc ifaçıların respublika müsabiqəsində, Heydər Əliyevin anadan olmasının 95 illiyi münasibətilə Bülbül adına Orta İxtisas Musiqi Məktəbi tərəfindən təşkil edilmiş Heydər Əliyev adına  III respublika müsabiqəsində iştirak etmişlər.

         Sonra respublika müsabiqələrində iştirak etmiş şagirdlərin konserti olmuşdur.