Ümummilli lider Heydər Əliyevin anadan olmasının 95 illiyi münasibətilə Şirvan şəhər Mədəniyyət Mərkəzinin Folklor evi və “Şirvan” klubu tərəfindən “Sən elə bir zirvəsən” adlı tədbir keçirilmişdir. Tədbirdə Folklor evinin direktoru, fəxri mədəniyyət işçisi Mehriban Əliyevanın məruzəsi, 10 saylı tam orta məktəbin müəllimi Yaqub Cavadinin, “Şirvan” klubunun müdiri Eldəniz Quliyevin çıxışları dinlənilmişdir. 10 saylı tam orta məktəbin şagirdləri ümummilli liderə həsr olunmuş şeirlər söyləmişlər. Tədbirdə Pərviz Əkbərovun hazırladığı audio-video kompozisiya nümayiş olunmuşdur. Tamaşaçılar ümummilli liderə həsr olunmuş  “Sən elə bir zirvəsən” mahnısının fonunda ulu öndərin həyat və fəaliyyətinin ayrı-ayrı məqamlarını əks etdirən görüntüləri izləmişlər.