Ümummilli lider Heydər Əliyevin anadan olmasının 95 illiyi münasibətilə Şirvan şəhər Heydər Əliyev Mərkəzində “Heydər Əliyev – Azərbaycanın əbədiyaşar lideri” mövzusunda tədbir keçirilmişdir. Mərkəzin direktoru Aynur Fərzəliyeva tədbiri giriş sözü ilə açaraq ümummilli liderin şərəfli və mənalı ömür yolu, Azərbaycan xalqı qarşısında misilsiz xidmətləri, o cümlədən müstəqilliyini çətin şəraitdə bərpa etmiş Azərbaycan dövlətçiliyinin qorunub saxlanılması və möhkəmləndirilməsi sahəsində xidmətləri, onun müəyyən etdiyi siyasi kursun Prezident İlham Əliyev tərəfindən uğurla davam etdirilməsi haqqında danışmışdır. Mərkəzin əməkdaşı Səkinə Qayıbovanın “Heydər Əliyev və Azərbaycan gəncliyi” mövzusunda məruzəsi dinlənilmişdir. Mərkəzdə fəaliyyət göstərən “Gənc Heydərçilər” dərnəyinin 21 saylı tam orta məktəbdə təhsil alan üzvləri tamaşaçılara ədəbi-bədii kompozisiya təqdim etmişlər.

         Tədbir Heydər Əliyev haqqında videofilmin nümayişi ilə başa çatmışdır.