Mil-Muğan Regional Mədəniyyət İdarəsinin tabeliyində fəaliyyət göstərən mədəniyyət müəssislərində 27 sentyabr Anım Günü münasibətilə silsilə tədbirlər təşkil olunub

Tədbirlər çərçivəsində regionda yerləşən şəhidlər xiyabanları, şəhid məzarları, şəhid ailələri ziyarət olunub.

Şəhid ailələrinin, qazilərin, mədəniyyət işçilərinin və ictimaiyyət nümayəndələrinin iştirakı ilə keçirilən anım mərasimində çıxış edənlər Müzəffər Ali Baş Komandan İlham Əliyevin siyasi iradəsi və qətiyyəti, xalqımızın birliyi və rəşadətli ordumuzun misilsiz qəhrəmanlığı sayəsində Qarabağın işğaldan azad olunmasından danışıblar.

Eyni zamanda antiterror tədbirləri zamanı ordumuzun qarşısına qoyulmuş vəzifələri yüksək peşəkarlıqla yerinə yetirməsi və bununla da ölkəmizin ərazi bütövlüyü və suverenliyinin tam bərpa olunmasından ətraflı bəhs ediblər.

Sonda vətənpərvərlik ruhda şeirlər səsləndirilib, kompozisiyalar nümayiş olunub.