Beyləqan rayonunun Birinci Şahsevən kəndində kənd sakinlərinin çox saylı müraciətləri nəzərə alınaraq Mil-Muğan Regional Mədəniyyət İdarəsinin tabeliyində fəaliyyət göstərən Birinci Şahsevən kənd Diyarşünaslıq Evində rəqs dərnəyinin və gitara kursunun açılışı keçirilib.

 

Rəqs dərnəyində təlimçi, bu sahədə kifayət qədər təcrübəsi və nailiyyətləri olan Mehparə Abdullayeva, gitara kursunda isə məşhur gitaraçı Əliheydar Əbilov uşaq və yeniyetmələrə bu sənətlərin sirlərini öyrədəcək.

 

Əlavə olaraq bildiririk ki, yaxın günlərdə burada qarmon, piano və nağara kurslarının açılması da nəzərdə tutulub.

 

Kurslara yazılmaq istəyən şəxslər Beyləqan rayon Mədəniyyət Mərkəzi (050 399-49-41) və Birinci Şahsevən kənd Diyarşünaslıq Evi ilə (050 868-48-48) qeyd edilən nömrələr vasitəsilə əlaqə saxlaya bilərlər.