Mil-Muğan Regional Mədəniyyət İdarəsinin tabeliyində fəaliyyət göstərən İmişli rayon Mədəniyyət Mərkəzinin təşkilatçılığı, İmişli rayon Qaragüvəndikli kənd klubu və Şahin Məmmədov adına Qaragüvəndikli kənd tam orta məktəbinin dəstəyi ilə Qaragüvəndikli kənd klubunda 28 May – Müstəqillik Günü münasibətilə “El bilir ki, sən mənimsən” adlı bayram konserti keçirilib.

Tədbirdə mədəniyyət işçiləri, kənd sakinləri, məktəbin müəllim heyəti və şagirdlər iştirak ediblər.

Tədbirdə çıxış edənlər 106 il bundan əvvəl müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranmasından, cəmi 23 ay mövcud olmasına baxmayaraq dövlətçilik tariximizdə silinməz izlər qoymaqla, Azərbaycan xalqının öz dövlətçilk ənənələrini bərpa etməyə və müstəqil yaşamağa qadir olmağından bəhs ediblər.

Tədbirin bədii hissəsi rayonun mədəniyyət və incəsənət nümayəndələrinin ifasında vətənpərvərlik mövzusunda mahnılarla, rəqs nömrələri və məktəb şagirdlərinin ifasında şeirlərlə davam edib.