Mil-Muğan Regional Mədəniyyət İdarəsinin tabeliyində fəaliyyət göstərən İmişli rayon Mərkəzi Kitabxanasında şairə Arzu Nurullayevanın (Cahangirqızının) “Allah, məni sevərsənmi?!” kitabının təqdimatı keçirilib.

Tədbirdə Regional İdarənin İmişli rayon üzrə nümayəndəsi Nazim Əzimov, “Həqiqət və reallıq” qəzetinin baş redaktoru İsrafil Məmmədov, İmişli rayonunda fəaliyyət göstərən mədəniyyət müəssisələrinin rəhbərləri və əməkdaşları, rayon ictimaiyyətinin nümayəndələri iştirak ediblər.

Təqdimatda çıxış edənlər Arzu xanıma gələcək işlərində uğurlar arzulayıblar.

Daha sonra müəllif “Allah, məni sevərsənmi?!” kitabının onun nəşr olunan ilk kitabı olduğunu, lakin gənc yaşlarından etibarən şeirlərinin müxtəlif jurnal və qəzetlərdə çap olunduğunu qeyd edərək, kitabın ərsəyə gəlməsində əməyi keçən hər kəsə dərin minnətdarlığını bildirib.

Sonra şairənin şeirləri mədəniyyət işçilərinin ifasında tədbir iştirakçılarına təqdim olunub.

Sonda müəllif imzalı kitablarını kitabxanaya və tədbir iştirakçılarına hədiyyə edib.