İmişli rayon Mədəniyyət Mərkəzində Ulu öndər Heydər Əliyevin anadan olmasının 101-ci ildönümünə həsr olunmuş “Tarix dedi, möcüzə, zaman dedi, dahidi ” adlı tədbir keçirilib.

Tədbirdə İmişli rayon İcra Hakimiyyətinin başçısı Elçin Rzayev, YAP İmişli rayon təşkilatının sədri, hüquq-mühafizə orqanlarının rəhbərləri, rayon idarə, müəssisə və təşkilatlarının kollektivləri, mədəniyyət işçiləri iştirak ediblər.

Tədbir iştirakçıları öncə İmişli rayon Mədəniyyət Mərkəzinin foyesində təşkil olunan rəsm əsərlərindən ibarət sərgiyə baxış keçiriblər.

Tədbirin rəsmi hissəsində İmişli rayon İcra Hakimiyyətinin başçısı Elçin Rzayev, YAP İmişli rayon təşkilatının sədri Səfa Ağayev çıxış edərək Ulu öndərin həyat və fəaliyyətindən bəsh ediblər.

Daha sonra mədəniyyət işçilərinin, həmçinin İmişli şəhər Uşaq Musiqi və İncəsənət məktəblərinin xor kollektivinin ifasında konsert proqramı nümayiş olunub.