İmişli rayon Mədəniyyət Mərkəzində Füzuli Dövlət Dram Teatrının təqdimatında A.Həsənoğlunun "Yaddaş" tamaşası nümayiş olunub.

Tədbirdə rayon ictimaiyyətinin nümayəndələri, mədəniyyət işçiləri və rayon İcra Hakimiyyətinin əməkdaşları iştirak ediblər.

Tamaşa Azərbaycanın ərazi bütövlüyü uğrunda canından keçən şəhidlərə həsr olunub. Müharibə mövzusuna həsr olunmuş tamaşada Azərbaycan əsgərinin yüksək vətən sevgisi və parlaq qələbəsi bədii şəkildə əks etdirilib.

Tamaşanın quruluşçu rejissoru əməkdar artist Asif Şirinov, quruluşçu rəssamı Ellinaz Balaşovadır. Rollarda Qaçaq Qarayev, İntizar Quliyeva, Sehran Xanlarov, Əli Hüseynov, Sevinc Məmmədova, Gülnar Quliyeva və başqaları çıxış edib.

Tamaşa izləyicilər tərəfindən alqışlarla qarşılanıb.