15 – 31 yanvar 2024-cü il tarixində görkəmli şair M.Ə.Sabirin “Hophopnamə” kitabının motivləri əsasında elan olunan rəsm müsabiqəsinə yekun vurulub. 10 gənc həvəskar rəssamın iştirakı ilə keçirilən müsabiqədə rəsm əsərləri “Hophopnamə” Kitab Mərkəzində əyani şəkildə çəkilib.

Qaliblər:

I yer – Məmmədova Aytac

II yer – Həsənli Mehdi

III yer – Abasova Şəbnəm

Qaliblərin mükafatlandırılması mərhələsində Mil-Muğan Regional Mədəniyyət İdarəsinin rəisi, İdarə əməkdaşları, mədəniyyət işçiləri iştirak ediblər.

Mükafatlandırma mərasimini çıxışı ilə açan İdarə rəisi Faiq Xudanlı gənc rəssamların müsabiqəyə qoşulma təşəbbüsünün təqdirəlayiq olduğunu bildirərək onları təbrik edib və gələcək fəaliyyətlərində uğurlar arzulayıb.

Daha sonra müsabiqənin münsifləri tərəfindən seçilmiş 3 ən yaxşı rəsm əsərinin müəllifləri hədiyyə və fəxri fərmanla, digər müəlliflər isə fəxri fərmanla təltif ediliblər.