Tədbirdə Mil-Muğan Regional Mədəniyyət İdarəsi aparatının əməkdaşları, Kitab Klubunun təsisçiləri, mədəniyyət işçiləri, mütaliə həvəskarı olan yeniyetmə və gənclər iştirak ediblər.

Təqdimatdan öncə rəis müavini Telman Əzimov, Sabirabad rayon Mərkəzləşdirilmiş Kitabxana Sisteminin direktoru Eldar Urufov və digərləri çıxış edərək Kitab Klubunun fəaliyyətinə uğurlar arzulayıb, bu təşəbbüsün rayonda mütaliə mühitinin canlanmasına önəmli töhfə verəcəyini vurğulayıblar.

Daha sonra Kitab Klubunun təsisçiləri Camal Əzimov, Məhəmməd Hüseynov, Ədalət İsmayılzadə və Zamin Məmmədov Sabirabad Kitab Klubunun məqsəd və vəzifələri, Klubun fəaliyyət istiqamətləri, Klubun müzakirə görüşlərinin gedişatı, Klubun etik davranış qaydaları, Kluba üzvlük şərtləri barədə məlumat veriblər.

Təqdimat mərasimi qarşılıqlı fikir mübadiləsi ilə davam edib, iştirakçıları maraqlandıran suallar cavablandırılıb.

Sonda xatirə şəkili çəkilib.