26 oktyabr 2023-cü il tarixdə İmişli rayon Mədəniyyət Mərkəzində  Vətən müharibəsi şəhidi Azərbaycan ordusunun xüsusi təyinatlı qüvvələrinin giziri Quliyev Əli Tədbir oğlunun əziz xatirəsinə həsr olunmuş “Sədaqətim şərəfimdir” adlı tədbir keçirilib.

Tədbirdə İmişli rayon İcra Hakimiyyətinin başçısı Elçin Rzayev, rayonun hüquq-mühafizə orqanlarının əməkdaşları, o cümlədən rayonda fəaliyyət göstərən müəssisə və təşkilatların əməkdaşları, rayon ictimaiyyətinin nümayəndələri, şəhid ailələrinin üzvləri, qazilər, müharibə iştirakçıları və mədəniyyət işçiləri iştirak ediblər.  

Tədbirdə İmişli rayon İcra Hakimiyyətinin başçısı Elçin Rzayev, Mil-Muğan Regional Mədəniyyət İdarəsinin rəisi Faiq Xudanlı çıxış ediblər. Sonda şəhidin valideyinləri rayon rəhbərliyinə və mədəniyyət işçilərinə təşəkkürünü bildirib.

Tamaşaçılara Vətən müharibəsi şəhidi Quliyev Əli Tədbir oğlunun keçdiyi çətin və şərəfli döyüş yolundan bəhs edən videoçarx nümayiş olunub. 

Tədbirin sonunda Mədəniyyət Mərkəzinin əməkdaşlarının ifasında təqdim edilən ədəbi-bədii kompozisiya rayon sakinləri tərəfindən rəğbətlə qarşılanmışdır.