Azərbaycan Respublikasının ərazi bütövlüyünün təmin edilməsi və torpaqlarımızın erməni işğalından azad olunması uğrunda gedən Qarabağ döyüşlərində şəhid olmuş qəhrəmanlarımızın xatirəsinin əbədiləşdirilməsi məqsədilə Sabirabad rayon Cavad kəndində «Şəhidlər unudulmur» Abidə-Kompleksinin açılış mərasimi keçirilib. Mərasimdə iştirak edənSabirabad Regional Mədəniyyət İdarəsinin rəisi Fərid Qurbanzadə abidə önünə gül dəstələri düzüb. Şəhidlərimizin əziz xatirəsi ehtiramla yad edilib. 
Şəhid valideynlərinin, rayon ictimaiyyəti nümayəndələrinin, məktəblilərin, kənd sakinlərinin də iştirak etdiyi tədbirin sonunda xatirə şəkli çəkdirilib.