02 Fevral 2021-ci il tarixində Sabirabad Regional Mədəniyyət İdarəsində 02 Fevral- Azərbaycan Gəncləri günü münasibətilə bir qrup gənc mədəniyyət işçiləri ilə görüş keçirildi. Görüşdə çıxış edən Sabirabad Regional Mədəniyyət İdarəsinin rəisi Ə.Ramazanov gənclərin timsalında bütün gəncləri Azərbaycan Gəncləri günü münasibətilə təbrik etdi. 2020-ci ildə Azərbaycan Respublikasının ərazi bütövlüyü uğrunda aparılan 44 günlük müharibədə şəhidlərin əziz xatirəsi anılmış,qazilərimizə Allahdan şəfalar arzulanmışdır. Sabirabad Regional Mədəniyyət İdarəsinin II Qarabağ müharibəsi zamanı “Arxa cəbhədə göstərdiyi fəallığa görə” Sabirabad rayon Mədəniyyət Mərkəzinin A.İsgəndərov adına Xalq Teatrının əlillərdən ibarət “Mübarizlər” teatrının aktyoru Nicat Əliyev, Sabirabad rayon Mədəniyyət Mərkəzinin “Kompüter” kursunun rəhbəriƏfsər Şahbazov, Yeni Güdəcühür klub icma mərkəzinin müdiri Səbinə İsmayılova və Sabirabad rayon Mədəniyyət Mərkəzinin “rəqs dərnəyi”nin rəhbəri Əli Mehdizadə Fəxri Fərmanla təltif olundular.